Сәлем, Қазақстан!

Сәлем, Қазақстан!

«Сәлем, Қазақстан!» - бұл Қазақстанға келуді  жоспарлап жүрген жандар үшін таптырмас ТВ-гид. Бұл біздің мәдениетіміз бен өмірімізге жаңадан үйренісу барысындағы оқиғалар жиынтығы; бұл туған еліміздің бізге үйреншікті боп кеткен тұмса табиғаты мен сұлулығына басқа қырынан немесе шетелдіктің көзімен қарау мүмкіндігі. Бағдарламаның кейіпкерлері – Қазақстанда тұратын және мәдени, тілдік байлығын және тұрмыстық өміріміздің аспектілерін ашып беретін шетелдіктер. Жоба кейіпкерлеріне арналған әр тың тақырып – олар үшін жаңа ортаға ену мүмкіндігі, осы уақытқа дейінгі бейтаныс өмірді көруге деген мүмкіндік. Біздің кейіпкерлеріміз Қазақстанда ұзақ уақыт тұрып, осы елдің, жергілікті халықтың тыныс-тіршілігін танып үлгерді. Және олардың алғашқы әсерлері бәсеңдей түскені рас. Қазір олар қазақ тілін үйренуде.
Осылайша, олар кадрда екі тілде – яғни ағылшын және қазақ тілдерінде әңгіме өрбітіп, сонымен қатар, көрерменге аталмыш тілдердің лингвистикалық ерекшеліктерін айтып, түсіндіреді.

×