Юртдошимиз қозоқ тилидаги нутқни матнга айлантирувчи тизим яратди

Қозоғистонлик олим қозоқ тилидаги овозли хабарларни матнга айлантириб бера олувчи тизим яратди. Уркен Мамирбаевнинг ускунаси бундан ташқари бир вақтда янграган икки хил овозни ажрата олади. Икки турли каналга автомат шаклда тақсимлайди. Ақлли тизим ижтимоий тармоқларда чат-бот сифатида ишлай бошлади. Қозоғистонликлар ишланмаси машҳур Нидерландия компанияси эътиборига тушди, у лойиҳани илгарилатишни таклиф қилди. Хорижликлар йил охиригача мазкур тизим орқали ўз маҳсулотини қўйиш ниятида. Лойиҳа муаллифи ускунани такомиллаштириш билан банд. Чунки у ҳозирча мавжуд сўзларнинг атиги 60 фоизини матнга айлантириб бера олади. Йил охиригача дастур сўз захираси яна 5 минг соатлик овозлар билан тўлдирилади ва у амалда ҳар қандай оволи хабарни тушуна олади. Ўркен Мамирбаев таъкидлашича, унинг тадқиқоти замонавий қозоқ тилини ўрганишга қаратилган.

Ўркен Мамирбаев, лойиҳа муаллифи, ахборот ва ҳисоблаш технологиялари институти бош директори ўринбосари:

– Тизим анча муаммолар учун ечим бўла олади. Биринчидан, шеъваларни ўрганишда фойдали. Иккинчидан, акцентни танийди. Учинчидан, гапираётган одамнинг ҳиссиётларини аниқлаб беради. Шунингдек, у гапирган одам қозоқ ёки руслиги, эркак ёки аёллиги, тахминан қанча ёшдалигини ажратиб беради. Унга кам ишлатиладиган сўзлар ҳам киритилади. Масалан, иқтисодий луғатлар, математик атамалар. Бу иш билан келгусида шуғулланамиз.

Абдумалик Сарманов таржимаси.