Ҳаёт

«QAZAQ TV» – Қозоғистон Республикаси биринчи миллий йўлдош телевизион канали. Мамлакатнинг энг йирик медиа-холдингларидан бўлган «Хабар» Агентлиги» ҲЖ таркибига киради.

HotBird 13B, Galaxy 19 ва MEASAT 3A сунъий йўлдошлари воситасида тўрт қитъадаги 118 мамлакатда томошабинлари мавжуд. Канал контенти 100 фоиз мамлакатимизда тайёрланган. «QAZAQ TV» умумий аудиторияси бугунги кунда 300 миллион томошабиндан зиёд. Телеканал дастурлари бир қанча мавзулар асосида тақдим этилади ва Қозоғистон маданияти, анъаналари, тарихи, туристик ва инвестициявий имкониятлари каби мавзуларни ёритади.

Канал 2002 йил 25 октябрда Caspionet номи билан иш бошлаган.  Мамлакат имижини илгари суриш мақсадида 2012 йил 1 сентябрда канал номи «QAZAQ TV»  деб ўзгартирилди. 2016 йил октябрида «QAZAQ TV» ҳамда «Білім және Мәдениет» каналлари контенти бирлаштирилганидан сўнг телеканал ягона бренд – «QAZAQ TV» номи билан ишлай бошлади.

2017 йил 16 ноябрида «QAZAQ TV» телеканали янги формат – кўп каналли овоз беришга ўтди ва қозоқ, рус, инглиз тилларида ахборот узата бошлади. 2018 йил 1 майда мавжуд учта тил товушқаторига тўртинчиси – қирғиз тилидагиси қўшилди. 2018 йил 28 ноябрда эса канал ўзбек тилида ҳам гапира бошлади.

Кўп каналли сигнал рақамли телевидениенинг ҳар бир абоненти юқорида кўрсатилганларидан ўзи учун мақбул тилдаги товушқаторни танлаш имкониятини беради. Контент 100 фоиз тегишли тилда овозлаштирилган. Янги форматдаги канални Қозоғистон ва хориж ҳудудида кеча-кундуз томоша қилиш мумкин.

Тўлақонли инглизча товушқатор каналнинг хорижий аудиториясини кенгайтириш ва жаҳонни ўзига хос мамлакатимиз, унинг маданияти, тарихи, туристик ва инвестициявий жозибадорлиги билан таништириш имконини беради. 

×