Коомдук кеңештер аркылуу 20 миңден ашык нормативдик документ каралды
Акыркы беш жылдын ичинде коомдук кеңештер 20 миңден ашуун ченемдик укуктук актыларды карап чыгышты. Алардын 2 миңден ашыгы Кеңештер тарабынан жакшыртуу үчүн кайтарылган. Бул тууралуу маалымат жана коомдук өнүктүрүү министринин орун басары Болат Тлепов брифингде билдирди. Анын айтымында, Коомдук кеңештер институтунун жардамы менен жарандардын жашоосуна түздөн-түз тиешеси бар документтердеги кемчиликтер өз убагында аныкталган. Мында мамлекеттик органдардын жетекчилеринин коомдук кеңештерге отчёт бере баштаганы да чоң роль ойнойт.
Болат Тлепов, РКнын Маалымат жана коомдук өнүктүрүү вице-министри:
- Жыл сайын ар кандай деңгээлдеги 1500 мамлекеттик кызматкер коомдук кеңештерге отчёт берет. Бул кошумча миңдеген маселелердин чечими жана чечилбей жүргөн суроолорго жооп алуу мүмкүнчүлүгү. Кошумчалай кетсек, акыркы 5 жылдын ичинде мамлекеттик кызмат көрсөтүүнүн сапатына коомдук мониторингдин алкагында миңден ашык изилдөөлөр жүргүзүлүп, актуалдуу маселелер боюнча ачык талкуунун жыйынтыгында 2 миңден ашуун маселе көтөрүлгөн. Мунун баары массанын жалпы көйгөйлөрүн этибарга албаган жана аларды ар дайым трибунадан көтөрүүнү сунуштаган жигердүү жарандарыбыздын ыктыярдуу эмгегинин натыйжасы.
Которгон: Илгиз Жамалбеков
