Жаңы күн электр станциясы бир шаарды толук электр энергиясы менен камсыздайт

Жашыл экономикага дем берген жаңы демилге. Караганды облусунун Балкаш шаарына караштуу Коңырат калктуу-конушундагы күн электр станциясынын курулушу аяктоо алдында турат. Адистердин айтымында, бул жердин климаты альтернативдүү энергия булактарын өндүрүү үчүн абдан ыңгайлуу. Мында 7 бирдей подрядчы компания иштеп жатат. Аймагы 179 гектар аянтты ээлеген алкакка 94 миң күн батареялары орнотулду. Бул панелдердин өзгөчөлүгү - эки тарабы тең бирдей өлчөмдөгү күн нурун ала алгандыгында. Станция саатына 100 мегаватт электр энергиясын өндүрө алат. Коңырат калктуу-конушун электр энергиясы менен камсыз кыла турган энергия булагы 2022-жылы ишке берилери мерчемделүүдө.

Талгат Босалов, энергетик:

- Долбоор боюнча металлды чогултуу иштери жүрүп жатат. 80 пайызы аяктаган. Ал эми электр кабелинин 3 түрү курулган. Учурда алардын 85 пайызы орнотулган. Иштин ыргагы жаман эмес. Жумушчу күчү жана керектүү техника да бар.

Которгон: Илгиз Жамалбеков